تاند- چینايي انجینران وايي چې د یوې ځانګړې جټ الوتکې ماشین ته یې ارتقا ورکړې چې له کبله یې الوتکه د ږغ د سرعت ۱۶ برابره چټکه کېدای شي.
د دې معنا دا ده چې د نړۍ د اوسنۍ تر ټولو چټکې الوتکې د سرعت دوه برابره.
چینایان همداراز ادعا کوي چې دا انجن یې د پیکینګ ښار په یوه بادي تونل کې ازمېښت کړی او نتیجه یې بریالۍ وه.
چینایان غواړي له دې انجن څخه په یو ډول الوتکو کې چې د مځکې مدار ته نژدې کېږي، کار واخلي.
په بادي تونل کې د دې انجن تجربې وښوده چې د ږغ د سرعت ۹ برابره تېز دی خو جوړوونکي یې وايي چې د ږغ د سرعت ۱۶ برابره سرعت لرلی شي.
دومره سرعت ته د رسېدو لپاره یوازې انجن کافي نه دی بلکې د الوتکې د باډۍ ډیزاین هم مهم دی چې د خورا ډېر سرعت ظرفیت ولري.