تاند(دوشنبه، د قوس ۲۴) د ولسي جرګې رییس میر رحمان رحماني ددې جرګې مالي او بودجه يي کمیسیون ته دوه اونۍ وخت ورکړ تر څو د ۹۱ پالیسي کوډ بودجه يي مصرف وڅیړي.
رحماني د جرګې مالي او بودجه يي کمیسیون څخه وغوښتل، چې خپل کاري راپورونه ددې جرګې عمومي ناستې ته وړاندې کړي.
د ولسي جرګې مالي او بودجه يي کمیسیون لخوا د ۹۱ کوډ د مصرف د څیړنې وړاندیز د قاضي میر افغان صافی رييس او خواجه صدیق احمد عثماني ددې کمیسیون غړو له لوري د ولسي جرګې عمومي ناسته کې مطرح شو.
صافی وویل، چې د ولسي جرګې مالي او بودجه يي کمیسیون د ۱۳۹۸ او ۱۳۹۹ مالي کلونو د ۹۱پالیسي کوډ د بودجې مصرفولو پر څرنګوالې څیړنه کوي او پایله به يي ولسي جرګې ته به وړاندې کوي.
له دې سره سم د ولسي جرګې ځینې غړي ددې جرګې په نننې ناسته کې د ۹۱ پالیسي کوډ د بودجې مصرف څرنګوالې لپاره د یو ځانګړی کمیسیون را منځته کولو غوښتونکي شول، خو دا غوښتنه تایید نشوه.
دا پریکړه په داسې حال کې د ولسي جرګې لخوا ترسره کیږي چې د راپورونو پر بنسټ، ولسمشرۍ ماڼۍ په ۱۳۹۸ او ۱۳۹۹ کلونو کې د ۹۱ پالیسي کوډ له بودجې څخه په میلیونونو افغانۍ په غیر قانوني توګه د ځینې لوړپوړو چارواکو لخوا مصرف شوي دي.
په اوسني دولت کې یو غل بل ته وايي چې ولې غلا کوې یا دې کړې، که اوس څوک رحماني ته ووايي چې ته څنګه د ولسي جرګې ریاست ته رسیدلی یې کیدای شي مسکی غوندې شي، خبره داده چې لوړ پوړي اکثر چارواکي مفسد دي یا د مفسدینو ملګري دي