تاند- آیرلنډ وايي، په جنورۍ کې به یې د کرکټ ملي لوبډله د افغانستان او متحده عربي اماراتو سره مسابقې وکړي.
ایرلنډ تازه د افغانستان په وړاندې د درو مسابقو لپاره د خپل کرکټ ټیم د لوبغاړو نومونه اعلان کړل.
په پام کې ده چې افغانستان او آیرلنډ د کرکټ د نړیوالې شورا د نړیوال سوپرلیګ جام لپاره درې مسابقې وکړي.
تراوسه پورې د دواړو لوبډلو ترمنځ د مسابقو ځای او نېټې نه دي ټاکل شوي.
آیرلنډ دغه راز د متحده عربي اماراتو په وړاندې هم د خپل ټیم نومونه اعلان کړل.
آیرلنډ په روان ۲۰۲۰ م کال کې د کورونا وبا له خپرېدو سره سره توانېدلی چې ۱۲ نړیوالې مسابقې وکړي.
دغه ټیم د سږ کال په اګست کې انګلنډ ته ماتې ورکړه.
له افغانستان سره د آیرلنډ مسابقه به له اګست راوروسته لومړنۍ نړیواله مسابقه وي. دې ټیم د کورونا وایرس د خپرېدو له کبله مسابقې درولې وې.