تاند(جمعه د قوس۲۱) افغان چارواکي ادعا کوي چې په هلمند کې یې د ازادي راډیو د خبریال الیاس داعي او په جلال اباد کې د انعکاس راډیو تلویزیون د ویاندې او خبریالې ملالې میوند قاتلان نیولي دي.
د کورنیو چارو وزارت ویاند طارق ارین په لشکرګاه کې د الیاس داعي د وژلو په تور د یوه طالب د نیولو د ادعا ترڅنګ د هغه ویدیويي اعتراف په ټولنیزو رسنیو کې خپور کړ.
نیول شوی کس ځان د اروزګان د چارچینو اوسېدونکی ښيي.
په همدې حال کې د ننګرهار والي ضیاالحق امرخېل وايي چې د ملالې میوند د وژلو په تور یې ۲ تنه نیولي او دواړو پر خپل جرم اعتراف کړی دی.
امرخېل نه دي ویلي چې نیول شوي کسان په کومه ډله پورې تړاو لري خو د دې حملې مسوولیت داعش سختدریځې ډلې په منلی دی.
د ملالې میوند له وژل کېدو سره په روان کال کې د تروریستي ډلو له لوري په افغانستان کې د وژل شویو خبریالانو شمېر لسو ته ورسېد.
افغانستان په نړۍ کې د خبریالانو لپاره یو تر ټولو خطرناک هیواد دی.
قاتلین ونیول شول او اوس به وګرو چې څومره مکافات ورکول کېږي. څو ورځې به یې بند ته واچوي او بله ورځ به یې د طالبانو د بندیانو په نوم خوشې کړي. که داسې نه وي نو د دوی دوسیې دې په کلونو نه ځنډوي او په په عام محضر کې دې په دار وځړوي. مننه
د چارواکو لخوا داسې خبرونه په دې خاطر ورکول کيږي تر څو پر دوي د خلکو فشار کم شي.
د آی اس آی نوکران هرچېرته فعاله دي ، حتی زمونږ په رسنیو کې . یاقوت خان شینواري هم د وحدت پنجابي ورځپاڼي له چلوونکو نه ده چې اوس چېرته په یوروپ کې د غربت شپې تېروي .