تاند (سه شنبه، د قوس ۱۸) ارګ په یوه خبرپاڼه کې ویلي چې، ولسمشر غني د کورونا دوهمې څپې پر وړاندې د مبارزې لپاره د هر اړخیزه چمتووالي سپارښتنه کړې ده.
خبرپاڼه کاږي ولسمشر دا سپارښتنه تېره ورځ ناوخته د کابینې په غونډه کې مسوولانو ته کړې ده.
سرچینه زیاتوي چې، به دې غونډه کې پرېکړه شوې چې د کورونا وبا د کنټرول لپاره به له ټولو امکاناتو کار اخیستل کېږي څو افغان حکومت وکړی شي د دغه وبا خطرونه راکم کړي.
سرچینه وایي، ولسمشر په دې غونډه کې د عامې روغتیا وزارت ته سپارښتنه کړې چې، له ټولو ولایتونو سره همغږي ولري او امکانات ورته برابر کړي.
له دې وړاندې د کورونا د لومړۍ څپې پرمهال د مالي او روغتیایي خدماتو د کمښت په اړه ډېرو خلکو شکایتونه لرل.
که څه هم هغه مهال د فساد غږونه پورته شول خو عام خلک وایي هغه ډول چې لازمه وه چارواکو د تېر شوي فساد په تړاو وضاحت ور نکړ.