تاند، پنجشنبه، د ثور ۲۵مه: په تهران کې دهند سفارت وايي، افغانستان لپاره د ۱۰ زره ټنه غنمو مرسته چابهارته ورسېده.
په ایران کې د هند سفارت په یوه خبرپاڼه کې وايي، د لس زره او ۲۴ټنه غنمو دا مرسته په ۴۳۵ کانټینرو کې چاه بهارته یوې بېړۍ رسولې ده چې په څو ورځو کې به افغانستان ته ورسېږي.
هند له افغانستان سره په اوسنیو شرایطو کې د ۷۵زره ټنه غنمو د مرستې اعلان کړی دی چې له دې جملې ۵۰۲۲ ټنه غنم کابل ته د ثور په لومړۍ نېټه تر اوسه رسېدلي دي او پاتې نور به یې راتلونکو دوه میاشتوکې راورسول شي.
هند تر دې وړاندې دکورونا ناروغانو د درملنې لپاره هم افغانستان ته ۱۰۰ زره پاراسټامول او ۵۰۰ زره هایدروکسي کلوروکین ټابلیټ رالېږلي وو.