تاند( دوشنبه، دقوس ۳) امریکايي ډاکټرانو او د واکسین جوړوونکو کمپنیو ویلي چې، د راتلونکې میاشتې په لومړیو کې به په امریکا کې د واکسین وېش پيل شي.
د سرچینې په خبره دوی د حکومت امر ته په تمه دي او ټاکل شوې چې، د راتلونکې ډسمبر میاشتې په یوولسمه نېټه په امریکا کې د واکسینو د وېش بهیر پیل شي.
روغتياپالان وایي که امر ورته وشي نو له اجازې سره سم به په ۲۴ ساعتونو کې واکسین د وېش ټاکلو ځایونو ته ورسېږي.
د واکسین د وېش خبر داسې مهال ورکول کېږي چې په امریکا کې د کورونا ویروس مثبتې پېښې تر ټولو ډېرې دي.
معلومات ښيي چې تر ۱۲ میلیونه ډېر امریکایان په کورونا ویروس اخته شوي دي.