تاند( یک شنبه، د قوس ۲) د نړیوالو ریکارډونو کتاب ګېنیس د ۲۰۲۱ کال ګڼه چاپ شوې ده.
د دې کتاب په تېر چاپ کې له افغانستان څخه د کرکټ د وتلي ستوري راشد خان نوم ليکل شوی وو.
راشدخان د نړۍ تر ټولو د ځوان کرکټر په نامه ریکارډ مات کړی وو.
خو؛ د ۲۰۲۱ کال په چاپ کې بيا داځلې د حضرت ځاځي او عثمان غني نومونه ليکل شوي چې، شل اووریزو نړیوالو لوبو کې یې د ۲۳۶ منډو پیل درلود.
سرچينې ليکلي:« تر اوسه بلې جوړې دومره منډې په ګډه نه دې کړي او حضرت ځاځي ۱۶ شپږیزې ووهلې چې هغه هم یوه نړیواله لوبه کې ریکارډ دی.»
د کرکټ مينه وال وایي وياړي چې، يوځل بيا هم دکرکټ د نړۍ په ښو نومونو کې د افغان لوبغاړو نومونه ياد شوي دي.
د يادونې ده چې په دې کتاب کې تر راشد خان مخکې پاکستانی لوبغاړی وقار یونس هم تر ټولو ځوان کرکېټر نومول شوی دی.
ګېنس دنړۍ هغه کتاب یادېږي چې، په کې تر ډېره هغه کسان چې په نړيواله کچه ښې لاسته راوړنې ولري نومونه يې ليکل کېږي.