تاند ( یک شنبه، د قوس ۲) په سالنګونو کې د واورې ورښت پیل شوی او اټکل کېږي چې تر راتلونکو ۴۸ ساعتونو به دغه ورښت دوام کوي.
د سالنګونو د ساتنې مسوولان وایي دمګړی یوازې وړو موټرو ته پر دغه لار د تګ راتګ اجازه ورکوي خو زیاتوي دوی باید د واورو په موسم کې د موټرونو د اړتیا وړ ټول توکي ولري.
سرچينه وایي چې د بار وړونکو موټرو تګ راتګ د ورښت تر درېدو پورې ځنډول شوی دی.
سالنګ په هېواد کې مهمه لار ده، چې د دغه سیمې تونلونه د هېواد شمال له مرکزي سیمو سره تړي.
پر دغه لار د ژمي په موسم کې وخت ناوخت خونړۍ او بوږنوونکې ترافیکي پېښې هم رامنځ ته کېږي.