تاند ( پنج شنبه، دعقرب ۲۹ ) د پښتونخوا سیاسې څېرې او د پاکستان د سنا پخواني غړي افراسیاب خټک په تازه څرګندونو کې یو ځل بیا د افغانستان پر وړاندې د پاکستان پر سیاستونو نیوکه کړې ده.

هغه ویلي په پاکستان کې د ترهګرو امن مرکزونه په افغانستان او پاکستان دواړو کې دناورین او خونړیو پېښو لامل دي خو وایي پاکستانی حکومت یې پر وړاندې اقدام نه کوي.

خټک ویلي: « افغانستان ته د عمران خان تر سفر مخکې باید نوموړي لومړی په پاکستان کې د ترهګرو مرکزونه بند کړي وای، د ناورین او فاجعې دا سرچینې یې باید له منځه وړې وای او بیا یې دې د سولې پیغام له ځان سره وړلی.»

خټک تل د افغانستان پر وړاندې د پاکستاني استخباراتو او د دغه هېواد د حکومت سیاستونه غندلي او هغه یې په سیمه کې د ناورین او کړکېچ لامل بللي دي.

خټک داسې مهال دا څرګندونې کوي چې، څو شېبې وړاندې د پاکستان لومړی وزير عمران خان کابل ته را ورسېده.

https://taand.net/%d8%af-%d9%be%d8%a7%da%a9%d8%b3%d8%aa%d8%a7%d9%86-%d8%b5%d8%af%d8%b1%d8%a7%d8%b9%d8%b8%d9%85-%d8%b9%d9%85%d8%b1%d8%a7%d9%86-%d8%ae%d8%a7%d9%86-%d8%a7%d9%88-%d9%88%d8%b1%d8%b3%d8%b1%d9%87-%d9%be%d9%84/