امریکایي رسنۍ: ټرمپ به ډېر ژر د ټولو سرتېرو د ایستلو اعلان وکړي

تاند(تاند، سه شنبه، د عقرب ۲۷) ټرمپ به په راتلونکو ورځو کې له افغانستان د سرتېرو د ایستلو اعلان وکړي.

د امریکایي رسنیو د راپورونو له مخې ترمپ غواړي چې په راتلونکو څو ورځو کې له افغانستان د ټولو امریکایي عسکرو د وتلو اعلان وکړي او ددغه بهیر د بشپړولو کره نېټه به په ګوته کړي.

تر دې وړاندې هم امریکایي رسنیو ویلي وو چې ټرمپ به راتلونکې اونۍ دغه اعلان کوي.

بلخوا د امریکا په دفاع وزارت کې ځینو سرچینو رسنیو ته ویلي چې دوی د ټرمپ امر ته په تمه دي.

https://taand.net/%d8%aa%d8%b1-%d8%ac%d9%86%d9%88%d8%b1%db%8d-%d9%be%d9%88%d8%b1%db%90-%d8%a8%d9%87-%d9%be%d9%87-%d8%a7%d9%81%d8%ba%d8%a7%d9%86%d8%b3%d8%aa%d8%a7%d9%86-%da%a9%db%90-%d8%af-%d8%a7%d9%85%d8%b1%db%8c%da%a9/

دغه چارواکي وایي همدا چې ټرمپ فرمان صادر کړي نو د امریکايي ځواکونو د وتلو بهیر به پيل شي.

ویل کېږي چې ټرمپ له افغانستان د سرتېرو د ایستلو فرمان لاسلیک کړی دی خو تر دې دمه یې پنټاګون ته نه دی سپارلی.

امریکایي رسنۍ وايي د ټرمپ د واک له پای ته رسېدو پوره پنځه ورځې مخکې یعنې د جنورۍ په پنځلسمه ښايي له افغانستان د ټولو امریکایي عسکرو د وتلو بهیر بشپړ شي.