تاند (دوشنبه د عقرب ۲۶) د افغانستان د مالیې وزارت سرپرست عبدالهادي ارغندیوال وایي دوی له فساد سره جدي مبارزه پیل کړې ده چې له امله به یې د افغانستان په ملي عوایدو کې زیاتوالی راشي.
ښاغلي ارغندیوال چې نن یې د ولسي جرګې په غونډه کې د باور رایې اخیستلو په موخه د جرګې غړیو ته خپل راتلونکي پلانونه تشریح کول وویل، فساد په افغانستان کې د ډېرو اقتصادي پلانونو مخه ډپ کړې ده.
د نوموړي په وینا په افغانستان کې د مالي بسیاینې او اقتصادي ودې پر وړاندې تر ټولو ستر خنډ فساد دی چې د مالیې وزارت یې پر وړاندې جدي او هر اړخیزه مبارزه پيل کړې ده.
د هغه په خبره، چې ژوند یې په جهاد کې تېر شوی او اوس به د فساد پر وړاند جهاد کوي خو زیاتوي ددې لپاره چې په خپل دې جهاد کې پاتې رانشي نو د حکومت او پارلمان ملاتړ ته اړتیا لري.
ارغندیوال دغه راز زیاته کړه که وکیلان ورته رایه ورکړي، نو دی به وشي کولی چې تر ۲۰۲۵ ز کال پورې د افغانستان ملي عواید تر ۴۰۰ میلیارده افغانیو پورې ورسېږي او اقتصادي خپلواکي به اعلان کړي.
د مالیې وزارت سرپرست ژمنه وکړه چې په دې وزارت کې به پراخ اصلاحات او بدلونونه راولي او د وزارت په مهمو بستونو به وړ او مسلکي کسان وګماري څو دغه مهم وزارت پیاوړی او د ډاډ وړ شي.
داجهادبه هم لکه هغه بل جهاد دافغانستان خلکوته ګټه ورنه رسوی – دخپلو شخصی ګټو په خاطر یې کوی
داڅوک منلي شي چي فاسد به په رښتيادفساپه ضد مبارزه وکړي.