تاند(یکشنبه، د عقرب ۲۵) کورنیو چارو وزارت وایي چې طالبانو په دې وروستیو کې خپلو بریدونو ته زور ورکړی دی.
د کورنیو چارو وزارت په وینا د هلمند او کندهار په جګړو کې یې طالب وسله والو ته درنه مرګ ژوبله اړولې ده او دې ډلې ته یې سخته ماتې ورکړې ده.
د یاد وزارت ویاند طارق ارین نن په کابل کې یوې خبري ناستې ته ویلي چې د هلمند او کندهار په وروستیو جګړو کې د ۵۵ طالب قومندانانو په ګډون لسګونه وسله وال وژل شوي او ګڼ شمېر نور یې ټپیان شوي دي.
هغه د خپلو خبرو پر دوام ویلي چې په همدې جګړه کې لږ تر لږه ۱۵۲ پاکستاني جنګیالي هم وژل شوي دي.
طالبانو تر دې وړاندې په خپلو لیکو کې د بهرنیو وسله والو جنګېدل رد کړي دي خو تازه یې د کورنیو چارو وزارت ادعا ته غبرګون نه دی ښودلی.
د کورنیو چارو وزارت داسې مهال دا څرګندونې کوي چې په دې وروستیو کې د طالبانو تاوتریخوالي زیاتوالی موندلی او په ولایتونو کې جګړو زور اخیستی.