تاند (دوشنبه، د عقرب۱۲) د افغانستان د کرکټ یو بل ځوان لوبغاړی همیم عبید په یوه ترافیکي پېښه کې مړ شوی دی.
عبید د یکشنبې په ورځ له خوست څخه کابل ته روان و چې په لاره کې له ترافیکي پېښې سره مخامخ شو.
تر دې وړاندې د افغانستان د کرکټ یو تکړه لوبغاړی نجیب تره کی هم په ترافیکي پېښه کې له ژونده بې برخې شو.
تره کی تېره میاشت (میزان) د ننګرهار په مرکز جلال اباد ښار کې په یوې ترافیکي پېښه کې ټپي او له څلور ورځو وروسته يې په روغتون کې د ۲۹ کالو په عمر له دې فاني نړۍ څخه سترګې پټې کړې.
د همیم عبید په اړه ویل شوي چې په ترافیکي پېښه کې یې مور هم مړه شوې ده.