تاند- د چین په شانګهای کې د یوه ښوونځي ودانۍ د ټکنالوژۍ په مرسته روغه له خپل ځایه بل ځای ته یووړل شوه.
دا ودانۍ د دې لپاره له هغه ځایه لېرې کړل شوه چې سوداګري سیمه وه او په تګ راتګ کې یې ستونزې پېښولې خو د دې لپاره چې چارواکي یې ړنګولو ته اړ نه شول ټکنالوژي مرسته وکړه چې ودانۍ سلامته له خپل ځایه یوه بل مناسب ځای ته انتقال شي.
دا ودانۍ ۸۵ کاله پخوا په شانګهای کې جوړه شوې ده. او وزن یې ۷۰۰۰ ټنه دی.
تر دې ډېر کلونه پخوا په یو شمېر اروپايي هیوادونو کې هم ځینې تاریخي او لرغونې ودانۍ، چې د ښاري ترافیک خنډ کېدې، له خپل ځای څځه سلامتې بل ځای ته وړل شوي دي خو چینایانو دا کار د پرمختللې ټکنالوژۍ په مټ کړی دی.