تاند(پنج شنبه، د عقرب ۸) د افغانستان د هوانوردۍ اداره وایي چې د ۲۰۲۱ میلادي کال له پیل څخه به د هېواد له فضا څخه د تېرېدونکو الوتکو حق العبور کچه لوړه شي.
دغې ادارې د یوې خبرپاڼې په خپرولو سره ویلي، چې د ټول هېواد په کچه د رادارونو د نصب چارې پیل شوې دي او د راتلونکي میلادي کال له پیل څخه وروسته به د افغانستان له اسمانه د تېرېدونکو الوتکو د حق العبور کچه ۲۵۰ امریکایي ډالرو ته ورسېږي.
د رادارونو د نصب چارې چې د بودجې د نشتوالې له امله ځنډېدلې وې اوس بیا پیل شوې دي او ډېر ژر به په ټول هېواد کې د رادارونو د نصب چارې پای ته ورسېږي او ورسره به د هېواد له فضا څخه د غیر قانوني الوتنو مخه ونیول شي.