تاند (شنبه، د عقرب ۳) د پاکستان لومړي وزیر عمران خان یو ځل بیا ویلي، چې د افغانستان سوله د ټولې سیمې د پرمختګ لپاره مهمه ده.
عمران خان د ولسي جرګې له مشر میر رحمان رحماني سره د لیدنې پر مهال ویلي، چې پاکستان له افغان سولې سره بشپړه همکاري کوي او تمه لري، چې په دغه هېواد کې روانه خونړۍ جګړه ژر تر ژره پای ته ورسېږي.
د نوموړي په خبره د افغانستان سوله او ثبات د ټولې سیمې له اقتصادي ودې سره مرسته کولی شي او په سیمه کې به د هېوادونو ترمنځ سوداګریزې او اقتصادي اړیکې پراخې شي.
د ده په خبره د مرکزي او جنوبي اسیا ترمنځ د سوداګرۍ او ترانزیت تر ټولو مهمه لار له افغانستان تېرېږي او زیاتوي که په دغه هېواد کې سوله او امنیت تامین شي د سیمې د هېوادونو له اقتصادي ودې سره به مرسته وکړي.
عمران خان یو ځل بیا ویلي چې پاکستان له افغان سولې سره د همکارۍ لپاره ژمن دی.
نوموړی داسې مهال دغه څرګندونې کوي چې پاکستان په افغانستان کې د روانې خونړۍ جګړې ملاتړی بللی کېږي او د سولې په برخه کې یې اقداماتو ته د شک په سترګه کتل کېږي.
عمران خان په لاس کی سوله نه ده،سوله د ای،ایس،ای، په لاس کی ده،عمران خان هیڅ وس نه شته
د عمران خان خبرې د افغانستان د ولسمشر داکتر محمد اشرف غني د خبرو تکرار دی ، خو عمران رښتیا هم د افغانستان د سولې واک نه لري . د مظلومو افغانانو د بېګناه وژلو اصلي عامل او قاتل آی اس آی او د پنجاب بېرحمه جهنمي اردو مشران او لوی درستیز دی.
د افغانانو وژل د پنجابیانو او د هغوي د مزدورانو یعنې طالبانو او نورو لاسپوڅو اصلي بزنس او د پنجاب د واکمنۍ ضامن دی . دوی زمونږ د هر انسان په وژلو له نورو جهنمي استخباراتي سازمانو پیسې اخلي.
د عمران خان تاریخ د شاه شجاع ، جنرال ایوب خان ، غلام اسحق خان او نورو پښتنو مشرانو په شان تور او له شرمه ډک ولیکل شو. هغه پښتنو ته هېڅ داسې کار ونکړ چې څوک پرې وویاړي .
The Peace is in the hands of ISI not Imran Khan.