تاند(چهارشنبه، د میزان ۳۰) روسیې امریکا ته د اټومي وسلو د کمولو وړاندیز کړی دی.
د روسیې د بهرنیو چارو وزارت ویلي چې راتلونکی کال د امریکا او روسیې ترمنځ د اټومي وسلو د محدودیت تړون ختمېږي خو روسیه د نړیوال امنیت لپاره ددې تړون د غځېدو غوښتونکې ده.
ددې تړون غځېدل به دواړه هېوادونه د اټومي وسلو کنګل ته راوګرځوي او اجازه به نه ورکوي چې لا ډېرې اټومي کوپړۍ جوړې کړي.
دغه وړاندیز تر دې وړاندې ویلادیمیر پوتین هم کړی و.
روسیې ویلي په دې شرط ددغه تړون غځولو ته تیار دي چې امریکا کومه بله غوښتنه ونه لري.