افغان حکومت او طالبانو د هوکړې په اړه د روېټرز راپور رد کړ

تاند ( سه شنبه، د میزان ۱۵) قطر کې د وسله والو طالبانو د سیاسي دفتر ویاند ډاکټر نعیم له رسنیو سره خبرو کې د رویټرز وروستی خبر رد کړی دی.

نوموړي ویلي، چې  تر دې دمه  دواړه لوري د مذاکراتو پیلیدو پر طرزالعمل هوکړې ته نه دي رسیدلي.

بل لورته په قطر کې د افغان دولت مذاکراتي پلاوي هم په دې اړه د رویټرز خپورشوی خبر رد او بې اساسه بولي.

رویټرز خبري اژانس وايي، باوري سرچینو ورته ویلي، چې د دواړو خواوو پلاوي د امریکا د متحدو ایالتونو د چارواکو په مرسته پرون (دوشنبه) د اجنډا او کړنلارې پر سر موافقې ته رسېدلي او د خبرو د ناکامېدو مخه یې نیولې ده.

د افغان حکومت او طالبانو استازو ترمنځ له نږدې یوې میاشتې خبرو وروسته د خبرو پر اجنډا هوکړې ته د رسېدو په اړه خپاره شوي راپورونه که څه هم د افغان حکومت او طالبانو له خوا رد شو خو افغان شنونکي هیله من دي، چې ژر ورته ريښتني خبرونه خپاره شي.

https://taand.net/%d8%af-%d8%af%d9%88%d9%84%d8%aa-%d8%a7%d9%88-%d8%b7%d8%a7%d9%84%d8%a8%d8%a7%d9%86%d9%88-%d9%be%d9%84%d8%a7%d9%88%d9%88-%d9%be%d8%b1-%d8%a7%d8%ac%d9%86%da%89%d8%a7-%d8%a7%d9%88-%da%a9%da%93%d9%86%d9%84/