تاند (جمعه د میزان ۱۱) د اماراتو د حکومت له بنده خوشې شوي افغان زندانیان خپل هېواد ته لېږل کېږي.
د متحده عربي اماراتو حکومت له خپلو زندانونو څخه ١١ تنه افغان زندانیان خوشې کړي چې بېرته یې افغانستان ته لېږي.
په دې هېواد کې د افغانستان کونسل جنرال مسعود عزيزي ویلي، چې دا بنديان د دوى په هڅو خوشې شوي دي او هڅه کوي چې څو تنه نور هم چې هلته بندیان دي خوشې کړي..
د ښاغلي عزیزي په وینا چې دغه افغانان د اماراتو د رآس الخېمه ښار په زندان کې د بېلا بېلو جرمونو له امله بندیان شوي وو.
د هغه د معلوماتو له مخې چې په متحده عربي اماراتو کې به یې د کارونو له پای ته رسېدو سره سم افغانستان ته واستوي.
د جنرال مسعود عزيزي په خبره د متحده عربي اماراتو په زندانونو کې د څو تنو نور افغان زندانیانو کارونه به ډېر ژر خلاص او هغوی به هم خپل هېواد ته ولېږل شي.