تاند (دوشنبه، دمیزان ۷) د ننګرهارکانال شرکت مطبوعاتي ریاست مسولان وایي چې ، دوی د ننګرهار مېرمنو ته د کاري زمینې برابرولو په خاطر د هډې فارم ۲ بلاک په ۶۰ جریبه ځمکه د پنبې فصل کرلی دی .
د یاد شرکت رئیس عبدالقهار حیدري وایي دوی دا کار د هغو بیوزلو میرمنو لپاره کړی چې، د کار په لټه دي.
د نوموړي په خبره په یاد فصل کې اوس لپاره ۲۵ مېرمنې په کار بوختې دي او دغه راز یې زیاته کړه د پنبې له دانو څخه مالونو ته کنجاړه او مالوچ يې په بازار کې پلورل کېږي.
هغه زیاته کړه چې، ملي پراختیا شرکت له لوري د مګړۍ د ننګرهار کانال شرکت په بېلابیلو برخو کې ګڼې پروژې روانې دي چې، په کې په زیات شمېر بې روزګاره ځوانان په کار بوخت دي.
د یادونې ده چې، په دې وروستیو کې د کورونا وبا د خپرېدو سره سم په ټوله نړۍ کې د بې کارۍ کچه لوړه شوه او خلک يې له سختو ستونزو سره مخ کړل.