تاند(شنبه، د سنبلې ۲۹) د روغتیا نړیوال سازمان په افغانستان کې د کورونا د بیا خپرېدو خبرداری ورکړی.
په افغانستان کې د روغتیا نړیوال د بېړنیو پروګرامونو مسوول په خپلو وروستیو څرګندونو کې ویلي په افغانستان کې د کورونا د پراختیا د له منځه وړلو لپاره اړینو او جدي اقداماتو ته اړتیا ده.
د هغه په خبره دا احتمال شته چې کورونا ویروس بیا ځلې په افغانستان کې خپور شي او د خلکو ژوند ته ګواښ جوړ کړي.
د روغتیا نړیوال سازمان دا اندېښنه هم ښودلې چې په افغانستان کې عام وګړي روغتیایي سپارښتنو ته پاملرنه نه کوي او دا مسئله به د کورونا د لا ډېرې پراختیا سبب شي.
په ورته وخت کې د روغتیا نړیوال سازمان بیا پر ټولو نړیوالو غږ کړی چې راتلونکی ژمی باید په هر اړخیزه توګه د کورونا د ختمولو لپاره هڅې وکړي.