تاند ( دوشنبه، د سنبلې ۲۴) د مدیترانې سمندر پر سر د ترکیې او یونان ترمنځ لفظي شخړه اوج ته رسېدلې ده.
يونان ویلي، چې د انقرې د ګواښونو له کبله یې پرېکړه کړې ده، چې له فرانسې څخه د دوه میلیارده یورو په ارزښت وسلې او نور جنګي توکي وپېري.
د راپورونو له مخې، په دغو وسلو کې ۱۸ رافیل جیټ الوتکې، یو شمېر چورلکې او دوه جنګي بېړۍ شاملې دي.
د یونان لومړي وزیر کیریاکوس میتسوتاک ویلي، غواړي د ترکیې پر وړاندې خپله پوځي وړتیا نوره هم پیاوړې کړي.