تاند ( دوشنبه، د سنبلې ۲۴) شاوخوا څلور اونۍ کېږي، چې زرګونه بلاروسیان لارو او سړکونو ته د حکومت پر ضد راووتي او لاريون یې کړی دی.
لاريون کوونکي په دغه هېواد کې د یوې میاشتې مخکې ټاکنو پایلې نه مني.
د لاریون کوونکو په خبره لوکاشینکو له ۲۶ کلونو راهیسې په واک کې دی او دا ځل یېهم په ټاکنو کې پراخه درغلي کړې ده.
لارویون کوونکي په قهرجن اندازه د ټاکنو د باطلېدو او لوکاشینکو د استعفا غوښتنه کوي.
د حکومتي چارواکو د معلوماتو له مخې په تازه لاریونونو کې تېره ورځ ۴۰۰ لاریون کوونکي نیول شوي دي.
د دې تر څنګ امنیتي ادارو زیاته کړې، چې په ښارونوکې به لا ډېر پولیس ځای پر ځای کړي.
دوی لاریون کوونکو ته خبرداری ورکړی، چې د نورو په لمسون دې د بلاروس نظم نه خرابوي.