تاند(یکشنبه، د سنبلې ۱۶) د افغانستان د پوهنې وزارت د لومړي ځل لپاره د دیني مدرسو لپاره ښوونیز نصاب کتابونه ویشي.
چارواکي وايي دا نصاب د افغانستان او نړۍ له نوموتو دیني عالمانو سره په سلا مشوره جوړ شوی دی.
د افغانستان د حج او اوقافو وزارت هم د دې نصاب منځپانګه ګټوره او له دیني ښوونو سره سمه بللې ده.
د پوهنې سرپرست وزیرې، رنګینې حمیدي د دې نصاب په پرانستغونډه کې وویل چې دغه وزارت د ۲۰۰ میلیون افغانیو په ارزښت ۲.۲ میلیون ټوکه کتابونه په هیواد کې دننه چمتو کړي دي.
دا په داسې حال کې دي چې له دې وړاندې د هیواد د دیني مدرسو لپاره د مشخص ښوونیز نصاب د نشتون له امله زیاتې نیوکې شوي دي.
دا باورونه هم وو چې په دیني مدرسو کې د سم او معیاري ښوونیز نصاب د نه شتون له کبله مدرسې د تروریزم د ترویج پر ځالو بدلېږي.
رسمی شمیرې ښيي چې همدا اوس په افغانستان کې ۲۲۰۰ دیني مدرسې له پوهنې وزارت سره ثبت دي.
خو یوه لویه اندیښنه دا ده چې د افغانستان په یو شمیر سیمو کې چې د طالبانو تر ولکې لاندې دي، نه دولتي ښوونیز نصاب شته او نه د ښوونې پر بهیر څارنه.
سلامو علیکم ۰۰ دولت او خصوص د ملی امنیت ریاست باید د دینی مدرسو
استازانو څارنه په خپل وخت وکړی تر څو بعضی استازان د ترورستی تبلیغاتو نه منع کی۰
په استثنایی توګه د جنسی تجاوز هم ځینی پیښی واقع کیږی
که د پوهنی مخترم وزارت په کافی اندازه ښځینه استازانی وګماری نتجه به یی سل په سلو مثبته وی۰
په وطن کښی د تعلیم او پوهنی د لا زیات پرمختګ په هیله
درناوی