تاند، شنبه د سنبلې ۱۵مه: دیني عالمانو د سولې په برخه کې له اسلامي هېوادونو د مرستې غوښتنه وکړه.
په خوست کې دیني علماوو اسلامي هېوادونه مکلف وبلل چې د افغانستان حکومت او طالبانو تر منځ د شته اختلاف په وجه مداخله وکړي څو په افغانستان کې دایمي سولې ته لاره هواره شي.
دیني عالمانو په عامه خلکو غږ وکړ چې په دواړو لوریو دې د سولې غږ کولو بهیر جاري وساتي او خلک دې په خپلو کې متحد شي.
دوی وروستیو نا امنیو او د بې ګناه ملکیانو وژل کېدو ته په اشارې سره وویل چې روان حالت د منلو وړ نه دی او باید نور د تاوتریخوالي څخه لاس واخیستل شي.
د دیني عالمانو په وینا جګړه د افغانانو نه ده، بلکې پردۍ جګړه ده او افغانان پکې وژل کېږي چې ګټه یې بهرنیانو ته رسېږي.
عالمانو زیاته کړې افغانان باید د خپل فقر او بېچارګۍ په خاطر پر یو بل رحم وکړي او له روان وضعیت څخه د وتلو لپاره سره یو ځای شي.
د یادونې وړ ده چې تر دې وړاندې هم د هېواد په بېلا بېلو ولایتونو کې دیني عالمانو، ځوانانو او مېرمنو له دواړو لوریو د تلپاتې سولې او اوربند قایمولو غوښتنې کړي دي.
کچیری پدی ۴۰ یا ۲۰ جګړیزه دورو کی اسلامی هیوادونه د افغانستان په ولس باندی زړه سوی کړی وو نو نن به د افغان ولس دا حال نه کیده نو لدی ښکاری چی د اسلامی هیوادونو ټول واک او اختیار د امریکا او د دوی له متحدینو سره ده ځکه خو همدا اسلامی هیوادونه تل په اسلامی موضوعاتو کی همنظره ندی او هر یوه د خپل هیواد ګټی په لټه کی دی نو ځکه تر نن پوری غیر اسلامی هیوادونه لکه روسیه، امریکا او برتانیه او اروپا په موږ باندی باداری کوی او د پاکستان په څیر په نوم اسلامی هیواد ددی غیر اسلامی هیوادونو جګړیزی پروژی پلی کوی