تاند، شنبه د سنبلې ۱۵مه: د پښتون ژغورنې غورځنګ غړی محسن داوړ وايي، د کوټې هوايي ډګر ته په رسېدو یې امنیتي ځواکونو له هوايي ډګره د وتلو مخه نیولې ده او ورته ویل شوي چې بلوچستان ته یې د ۳ میاشتو لپاره په ورتګ بندیز لګول شوی دی.
ښاغلي داوړ چې غوښتل یې د جمعې په ورځ د کوټې بېلابېلو سیمو ته سفر وکړي د پاکستان د امنیتي ځواکونو له لوري یې مخه نیول شوې ده.
د راپورونو له مخې نوموړی د کوټې هوايي ډګر څخه د امنیتي ګواښونو له کبله یوه خوندي ځای ته لېږدول شوی دی.
بلخوا د پښتون ژغورنې غورځنګ مشر منظور پښتین ویلي، که د پاکستان حکومت محسن دواړ تر شنبې ورځې خوشې نه کړي سخته لاره دریځ به اختیار کړي.
راپورونه زیاتوي د پښتون ژغورنې دغه مخکښ غړي غوښتل په چمن کې له هغو کورنیو سره وګوري چې تر لوی اختر وړاندې یې امنیتي ځواکونو د کورنۍ غړي ور وژلي وو.
د بلوچستان د کورنیو چارو وزیر دغه کار د محسن داوړ د ښې ساتنې لپاره مهم بللی او زیاته کړې یې ده چې د نوموړي په خلاف تر اوسه کومه قضیه نه ثبت شوې.
د یادونې وړ ده چې تر دې وړاندې هم د بلوچستان یوې محکمې د پښتون ژغورنې غورځنګ پر دوو فعالو غړو محسن دوړ او علي وزیر د درې میاشتو لپاره د ورتګ بندیزونه لګولي وو.
دا مخلص مشران دی په بندیزونو او بندونو نه ډاریږی او نه د چا پروا لری نیت صفا منزل آسان، پنجاب به د هر ظلم ځواب ورکوی زه د پنجاب راتلونکی ډیره تیاره وینم د ظلم کاسه نسکوره ده که نن نه وی سبا.
پی ټی ایم مشران او ټول غړی دی الله وساتی غږونه او ولولی همداسی پورته اوسه.