 پولنډ وايي، پوله ساتو یې ۱۰ تنه افغانان، چې روانه اوونۍ په بېلابېلو برخو کې په غیرقانوني ډول دې هیواد ته اوښتي وو، نیولي دي.){kind=link}
تاند(پنجشنبه، د سنبلې ۱۳) پولنډ وايي، پوله ساتو یې ۱۰ تنه افغانان، چې روانه اوونۍ په بېلابېلو برخو کې په غیرقانوني ډول دې هیواد ته اوښتي وو، نیولي دي.
د پولنډي رسنیو د راپور له مخې، د دغه هیواد پوله ساتو سږ کال ۸۰ تنه غیرقانوني پناه غوښتونکي، چې له سلواکیا او اوکراین څخه وراوښتي وو، نیولي دي.
تازه ۲ افغان پناه غوښتونکي د پولنډ په جنوبي پوله کې او ۴ په شمال ختیځه پوله کې نیول شوي دي.
لومړني دوه افغانان له سربیا څخه په یوه لارۍ کې، چې پلاستیکي سطلونه یې بار کړي وو، پولنډ ته داخل شوي وو. د یوه عمر ۲۴ او د بل ۳۳ دی.
پولنډي رسنۍ د چارواکو په قول وايي چې د نیول شویو افغانانو قاچاقبران وايي چې له هر پناه غوښتونکي څخه یې ۹ زره یورو اخیستې وې.
د پولنډي رسنیو په وینا، هر غیرقانوني پناه غوښتونکی په ۶ میاشتې بند محکومېږي. خو دا احتمال هم شته چې ژر خپل هیواد ته بېرته واستول شي.