تاند(شنبه، د سنبلې ۱) د لیبیا رسنیو خبر ورکړی چې په پایتخت طرابلس کې د صدراعظم فایض السراج په مشرۍ د ملي یووالي حکومت او د خلیفه هفتار په مشرۍ ملېشو د جګړې درولو لپاره د اوربند اړوند اعلامیې خپرې کړې دي.
دغو اعلامیو ته خلک هیلهمند شوي دي او باوري دي چې جګړه به پای ته ورسيږي.
د معلوماتو له مخې په دغه هېواد کې له ۲۰۱۱کال راپدیخوا کله چې د ناټو په مشرۍ ائتلافي ځواکونو د قذافي حکومت ړنګ کړ، جګړې پیل شوې دي.
په دغو جګړو کې سلګونه زره خلک بې کوره او د تېلو له پلوه دغه غني هیواد د غیرې قانوني مهاجرینو د قاچاقبرانو او وسله والو ډلو لپاره په آزاد میدان بدل شو.
لیبیا اوس دوه حکومت لري. په طرابلس کې د ملي یووالي حکومت او په ختیځ کې د خلیفه هفتار د نظامي جنرال د قوماندې لاندې ملیشو حکومت اعلان کړی.
دواړو ډلو د کرونا وبا له کبله جګړه درولې ده او اوربند یې اعلان کړی دی.