تاند، چهارشنبه، داسد ۲۹مه: ولسمشر غني وايي که طالب بندیان خوشې شي اروپا او امریکا به نشه یې توکي په سر واخلي.

ولسمشر محمد اشرف غني له دي ټایمز لندن سره په یوه تازه مرکه کې ویلي که طالب بندیان د امریکا او طالبانو تر منځ د شوې هوکړې په اساس له بنده ازاد شي نو د اروپا او امریکا بازارونه به له نشه یې توکو ډک شي.

ښاغلي غني امریکا ته په اشارې سره ویلي، د طالب بندیانو دخوشې کولو په برخه کې دې له پوره احتیاط څخه کار واخیستل شي. د هغه په خبره دغه بندیان د نشه توکو ستر قاچاق کوونکي دي.

تر دې وړاندې ټایم نشریې خبر ورکړی وو چې د امریکا اوسنی حکومت د طالبانو د یوه پخواني غړي او د نشه يي توکو د قاچاق په تور د نیول شوي افغان قاچاقبر پر خوشي کولو کار کوي

https://taand.net/%d8%ae%d9%84%db%8c%d9%84%d8%b2%d8%a7%d8%af-%d9%be%d9%87-%d8%a7%d9%85%d8%b1%db%8c%da%a9%d8%a7-%da%a9%db%90-%d8%af-%d8%b2%d9%86%d8%af%d8%a7%d9%86%d9%8a-%d8%a7%d9%81%d8%ba%d8%a7%d9%86-%d9%82%d8%a7%da%86/

باید وویل شي چې د طالب زندانیانو د خلاصون او سولې پروسه یو ځل بیا د ځینو هېوادونو د ملاحظاتو له امله ځندیدلې ده.

د افغانستان حکومت او طالبان پر یو بل تورونه پورې کوي چې ددې پروسې د خنډ او ځنډ لامل شوي دي او د یو بل پر  وړاندې ضد او نقیض راپورونه خپروي.