تاند، یکشنبه، د اسد ۲۶مه: د ارمنستان هېواد رسنیو د دغه هېواد د بهرنیو چارو وزارت په حواله په خپل راپور کې ویلي چې د ناټو په چوکاټ کې یې افغانستان ته تازه دمي سرتېري استولي دي.

د ارمنستان راډیو په راپور کې راغلي چې دغه سرتېري به تر یو لړ نظامي زده کړو وروسته د ناټو غوڅ ملاتړ ماموریت ځواکونو سره یو ځای شي.

په راپور کې دا نه دي ویل شوي چې ارمنستان هېواد افغانستان ته څو سرتېري لېږلي خو د شمېرو له مخې ارمنستان، په افغانستان کې ۱۲۱ سرتېري لري چې افغان ځواکونو ته د سلا مشورو او روزنې دنده پر غاړه لري.

ارمنستان دا سرتېري وروسته تر هغه افغانستان ته لېږلي چې د ولسمشر ډونالډ ټرمپ په شمول یو شمېر امریکايي چارواکي له افغانستان څخه د خپلو ځواکو پر وتلو ټینګار کوي.

په ورته وخت کې امریکايي رسنیو خبر ورکړی چې ددغه هېواد د ملي ګارد ۲۰۰ سرتېري یې تر اوږد مهالي ماموریت وروسته له افغانستان څخه ایستلي دي.

https://taand.net/%d8%af-%d8%a7%d9%85%d8%b1%db%8c%da%a9%d8%a7-%d8%af-%d9%85%d9%84%d9%8a-%da%ab%d8%a7%d8%b1%d8%af-%db%b2%db%b0%db%b0-%d8%b3%d8%b1%d8%aa%db%90%d8%b1%d9%8a-%d9%84%d9%87-%d8%b3%d8%ae%d8%aa-%d9%85%d8%a7/

طالبان هم له امریکا سره د دوحې د هوکړې پر اساس د امریکايي ځواکونو پر وتلو ټینګار کوي.

بلخوا د ناټو دوو لوړ پوړو چارواکو ویلي چې له افغانستان څخه د امریکايي عسکرو وتل به ناټو سخت اغیزمن کړي.