تاند ( پنج شنبه، د اسد ۲۳) د بلوچستان په مرکزي ښارکویټه کې ناپيژاندو کسانو له لوري په غورځول شوي لاسم بم کې یو ماشوم وژل شوی او ۷ تنه نور ټپيان دي.
د کوېتې امنیتي مسولان وایي وسله والو کسانو دا بم د کوېټې په مایکرو سیمه کې په یوه دوکان غورځولی دی.
پولیس وایي په ټپیانو کې هم دوه ماشومان شامل دي او ټول ټپيان ملکي خلک دي.
د سرچینو په خبره د پیښې ټپیان د بولان روغتیايي مرکز ته وړل شوي او په خبره يې د ځينو ټپیانو روغتیايي وضعیت د انديښنې وړ ښودل شوی دی .
پولیس وایي سیمه یې محاصره کړې او په اړه یې پلټنې پيل کړي دي.
په دې وروستیو کې د بلوچستان په یو شمېر سیمو کې امنیتي وضعیت ډير ترینګلی شوی او خلک یې سخت اندیښمن کړي دي.