تاند(دوشنبه، د اسد ۲۰) د افغانستان د صنعت او سوداګرۍ وزارت وایي، د هوایي دهلېزونو له لارې د هېواد په صادارتو کې د تېر کال په پرتله ۲۹ سلنه زیاتوالی راغلی.
دغه وزرات وایي، په تېرو اوو میاشتو کې د هوایي دهلېزونو له لارې د هیواد په صادراتو کې په کافي اندازه زیاتوالی راغلی .
د صنعت او سوداګرۍ وزارت نن دوشنبه په یوه خپره کړې خبرپاڼه کې ویلي، د کورونا ویروس راوروسته د هوایي دهلېزونو له لارې هند او اماراتو ته د افغانستان صادارت بېرته عادي حالت ته را ګرځېدلي او په خبره یې هیله شته چې له نورو هیوادونو ته هم د افغانستان صادرات بېرته پيل شي.
د يادولو ده چې نړۍ کې د کورونا ويروس خپرېدو د نورو بنديزونو تر څنګ د هېوادونو تر منځ د سوداګرۍ او ترانزيت کچه هم راټيته کړه.