چهارشنبه, جولای 24, 2024
Homeادبلنډه کیسهشک/ اجمل پسرلی

شک/ اجمل پسرلی

نه خوځیده، لکه له دیوال سره چې مجسمه ولاړه وي، سترګې یې پرانیستې لکه ډبرینې سترګې چې کسي نه لري. پر امسا یې زور وکړ:

-څرنګه به تیریږم؟!

-زه مرسته درسره وکړم؟

پرته له دې چې څه ووایي، لاس یې رامخته کړ. سر یې جګ ونیو.

پوښتنه مې ترې وکړه:

-چیرته ځئ؟

-پورې غاړه مې کور دی

-پيدا کولی یې شئ؟

په غریو نیولي غږ یې ځواب راکړ:

– مخکې به هیروي لاره راښووله

-هیروي؟!

-سپی مې هیروي نومیږي ناروغه شوی دی وایي روغتون ته یې بیولی نن راووتم چې روغتون ته ورشم پيدا مې نه کړ له هیروي پرته مې دغه حال دی پل نه شم اخیستلی

یو سړی زموږ مخې ته ساه نیولی ودرید، دا یې له دې بله لاسه ونیوله:

-چیرې تللې وې؟

-هیروي ته مې نه ورولې ما ویل خپله به ورشم

سړي د کور دروازه پرانیسته، دا ننوته، ده ور پسې پورې کړ، پرتندي یې لاس کیښود له مایې مننه وکړه:

-لارښود سپی یې د جمعې په ورځ مړ شو نه پوهیږم چې څرنګه ورته ووایم په اوله کې مې درواغ له خولې ووتل چې په روغتون کې مو بستر کړی اوس لکه چې شکي شوې ده چې خپله پسې وتلې. د کور ور خلاص شو، ړنده بیا راووته:

-څه شوې؟

ما پټه خوله لاس جګ کړ، دوی کور ته سره ننوتل.

پراګ

2 COMMENTS

  1. Nice article, though I’m curious how how it’s possible that 86 persons have liked it yet only 35 persons have liked it at the moment? Did you get 51 bonus likes (if everyone who have viewed it also liked)? 🙂

    • * I meant 35 views compared to 51 likes at the moment I wrote the previous comment. I’ve noticed that it also happens in other articles, or on some there are plenty of views but zero likes. It’s probably some technical issue on the website.

      No offence though, I’m an avid Taand reader! Unfortunately I don’t have a Pashto keyboard.

LEAVE A REPLY

Please enter your comment!
Please enter your name here

- Advertisment -

ادب