تاند: د افغانستان د موسیقۍ انسټیټوټ د خپلواکۍ سلمې کلیزې ته جوړې کړې څلور حماسي سندرې ریلیز کړې.
د افغانستان د موسیقۍ انسټیټوټ رئیس احمد سرمست وايي، دا سندرې د سمفوني ملي ارکستر لخوا کمپوز او جوړه شوې چې د سولې، یووالی او خپلواکۍ پيغام په موسیقۍ کې لیږدوي.
احمد سرمست وايي، د دې سندرو کمپوز ډاکټر ناشناس، محسور جمال، قمبر نوشاد او ارسن فهیم جوړ کړی او شاعري یې د سلیمان لایق، عبدالغفور لېوال او سمیع حامد له کلامونو څخه انتخاب شوې ده.
د یادونې ده چې د موسیقۍ ملي انسټیټوټ په ۲۰۱۸ کال کې د موسیقۍ د نوبل جایزې ګټونکی شو.
دغه انسټیوټ تر دې دمه د سلګونه ځوانانو او نجونو په روزنه کې خپله خواري کړې ده.