تاند- اپل د یوه داسې ایفون موبایل ټېلفون پر جوړولو کار پیل کړی چې د لاس په اشاره کار کوي.
دا موبایل، چې شیشه یې کږه یا قات ده، دې ته اړتیا نه لري چې پر شیشه یې لاس ولګول شي؛ بلکې د ګوتې په اشارې کار کوي.
د بلومبرګ تلویزیون د راپور له مخې، په دې موبایل د ټایپ کولو په مهال به کاروونکي بې له دې چې شیشه ټینګه کړي یا لمس کړي، په هوا کې ټایپ کولی شي.
دا موبایل لا تر کار لاندې دی او ویل کېږي چې لږترلږه دوه کاله نور هم پکار دي چې بازار ته راوایستل شي.
ایفون همداراز په دې کار کوي چې نوی ایفون یې قاتېدونکی وي. دا به د سامسونګ له ایج سره توپیر لري.
دواړه ټېلفونونه لا په لومړي پړاو کې دي او ښايي دواړه په یو وخت راوایستل شي.