تاند- د امریکا د فضايي علومو څېړونکو له شمسي نظامه دباندې ۹۵ نوې سیارې وموندلې.
د ساینس الرټ د راپور له مخې د ناسا څېړونکو دا ستوري د کیپلر ټیلسکوپ په وسیله د کې ۲ ماموریت په لړ کې کشف کړي دي.
تراوسه پورې د کیپلر کې ۲ ماموریت په لړ کې له شمسي نظامه دباندې د کشف شویو سیارو شمېر نژدې ۳۰۰ ته رسېږي.
د کیپلر ماموریت په ۲۰۰۹ م کال پیل شو. له هماغه وخته تراوسه پورې د لمر په شاوخوا کې د مځکې مدار څاري.
د ناسا د معلوماتو له مخې، له شمسي منظومې دباندې ۲۳۴۱ سیارې تایید شوي دي.