تاند (دوشنبه، د اسد ۱۳) د سپینې ماڼۍ د معلوماتو له مخې کورونا په امریکا کې له ښارونو وروسته کلیو او بانډو کې خپره شوې ده.
د سپینې ماڼۍ ارشدو سلاکارانو رسنیو ته ویلي چې کورونا نوي پړاو ته داخل شوې ده او هېڅ یو ځای هم له دې ویروس خوندي نه دی.
دوی وايي په کلیو او بانډو کې روغتیايي خدمات کم دي او خلک لازمو توکو ته لاسرسی نه لري چې په دې سره به یې خطر څو برابره زیات شي.
د سرچینې په خبره ویره شته چې د کورونا له امله په امریکا کې یو بل ناورین رامنځته شي.
که څه هم په دغه برخه کې د کلکې مبارزې خبره شوې خو تر دې وړاندې امریکايي رسنیو خبرداری ورکړی وو چې امریکا له جدي خطرونو او د سقوط له ګواښ سره مخ ده.