تاند- د ټکنالوژۍ د پرمختګ له برکته که څوک له کوره هر څومره لېرې شي، له امنیت او وضعیته یې خبرېدای شئ.
دا وسیله یا زنګ (Veiu) نومېږي. که له کور څخه په رخصتۍ کې لېرې لاړئ د دغه زنګ په وسیله هره شېبه د کور له حاله خبرېدای شئ.
دا وسیله یوه کمره لري، عکسونه د کور د خاوند موبایل ته لېږي.
د دې زنګ د کمرې لوی کمال دا دی چې د شپې هم دقیق عکس اخلي. د عکس دقت یې د شپې له لوري دومره زیات دی چې د انسان څېره پکې پېژندل کېږي.
دا وسیله به په راتلونکي دوبي کې بازار ته راووځي او لومړنۍ بیه به یې نژدې ۱۵۰ ډالره وي.