تاند ( شنبه، د اسد ۴) د راپورونو له مخې هسپانیا کې د کورونا دویمه څپه پيل شوې ده.
د هسپانیا د کاتلونیا ایالت سیمه ییز دولت بیاځلي د کورونا وبا د مثبتو پېښو تر ډېرېدو وروسته د دغه ایالت ټول شپني کلبونه تړلي دي.
د راپورونو له مخې، د کاتلونیا ایالت سیمه ییز دولت ویلي، چې ټول شپني کلبونه او د راټولېدو نور ځایونه به تر راتلونکو دوو اونیو پورې تړلي وي.
هسپانیا کې د کورونا ویروس پراختیا مخنیوي په موخه لګول شوي بندیزونه یوه میاشت مخکې لرې شول خو اوس ویل کېږي، چې په دغه هېواد کې دا وبا بیا په چټکۍ د خپرېدو په حال کې ده.
بل لورته بیا سپینې ماڼۍ د کورونا وبا د پراختیا له احتمالي ګواښونو سره سره د ښوونځیو پر پرانیستل کېدو ټینګار کړی دی.
د سپینې ماڼۍ مطبوعاتي مسوول ویلي، که چېرته دا ثابته هم شي چې ماشومان کورونا ویروس لېږدولی شي، نور باید په امریکا کې ښوونځي پرانیستل شي.
د سپینې ماڼۍ دې څرګندونو امریکا کې پراخ غبرګونونه هم راپورته کړي دي.
ګرانه لیکونکیه!
لطفا له دی وروسته د (بیاځلې) په ځای یوازې بیا ولیکئ!