تاند ( پنج شنبه، د سرطان ۱۹) د وینزویلا چارواکي وایي یوه امریکایي الوتکه یې ویشتلې او غورځولې ده.
د وینزویلا حکومت ویلي، چې دا امریکايي الوتکه یې تېره شپه هغه مهال ویشتې، چې د وینزویلا هوایي حریم ته دننه شوې ده.
یاد هیواد د امریکایي الوتکې د څرنګوالي په اړه نور معلومات نه دي ورکړي.
دوی زیاته کړې، چې په یادې الوتکې د وینزویلا له حریم په استفادې هڅه کوله نشه يي توکي قاچاق کړي.
امریکايي حکومت تر اوسه په دې اړه غبرګون نه دی ښودلی.
نیکولاس مادورو د وینزویلا ولسمشر په کال ۲۰۱۳ کې د یوه فرمان په صادرولو سره ویلي هر هغه الوتکه چې په غیر قانوني ډول د دویم حریم ته داخل شي دوی به یې له منځه یوسي.
د امریکایي پوهانو په باور د دې هیواد اړیکې د ولسمشر ټرمپ په راتلو د ډیرو هیوادونو سره خورا کړکېچنې شوي دي.
دوی یې علت د ولسمشر ټرمپ ناسمې او احساساتي پریکړې یادوي، چې امریکا یې له ډیرو هیوادونو سره لاس او ګریوان کړی.