تاند ( شنبه، د سرطان ۱۴) په جاپان کې وروستیو بارانو له امله سېلابونه راوتلي او درانه مالي او ځاني زیانونه یې اړولي دي.
د راپورنو له مخې په جاپان کې د سختو بارانونو او د سیلابونو د راوتلو له امله ۱۵ تنه مړه شوي او ۹ تنه نور لادرکه دي.
چارواکي وایي د لادرکو کسانو د موندلو هڅې هم روانې دي.
دغه سیلابونه د جاپان په سویل لویدیځه برخه کې راوتلي او په زیات شمیر کورونه یې هم وران کړي دي.
د جاپان سوېل لوېدیځ کې د مسؤل چاروکو د سیمې دوه سوه زرو اوسېدونکو ته د سیمې د پرېښودو امر کړی دی.
دوی وایي د پریکړه یې د نورو ځاني زیانونو د مخنیوي په خاطر کړی دی.