تاند (پنج شنبه، سرطان ۱۲) حسن زاده: هېواد ته د کرونا ویروس تر راتګ وروسته په بامیان کې خلک له ډېرو ستونزو سره لاس او ګریوان دي
د بامیان د سوداګرۍ او پانګونې خونې رئیس علي رضا حسن زاده وايي، چې د کرونا ویروس خپریدا او د قرنطین مقرراتو له امله بې کاري او بیوزلي په دغه ولایت کې مخ په ډېرېدو ده.
حسن زاده وايي په دغه ولایت کې د خلکو کاروبار او پانګونې کچه ۸۰ سلنه راټیټه شوې.
هغه وايي چې نوي پانګوال پانګونې ته زړه نه ښه کوي او د ابادۍ چارې په بشپړ ډول ولاړې دي.
حسن زاده وویل، ۲۰ ورځې کی.ي چې د بامیان ولایت تفریحي سیمې یې د سیلانیانو لپاره پرانیستې وې او د بیلا بېلو ولایتونو څخه یو شمیر هېوادوالو دې سیمې ته سفر کړی، چې ورسره یې عواید او کاري فرصتونه زیات شوي.
بامیان د هېواد یو له تاریخي ولایتونو څخه دی چې د سیلانیانو لپاره ځانګړې سیمې لري او هر کال ورته په زرګونه خلک د سیاحت لپاره ورځي، چې له دې سره د سیمې اوسېدونکو ته کاري فرصتونه برابریږي.