تاند، شنبه، د جوزا ۳۱مه: تېر ماښام د کابل په پغمان ولسوالۍ کې د پوځي چارو د یو شنونکي، لیکوال او شاعر اسدالله ولوالجي د کورنۍ پر غړو چاودنه شوې ده.
د اسدالله ولوالجي کورنۍ تاند ته تایید کړه چې د نوموړي موټر پغمان ولسوالۍ په عینو سیمه کې هغه مهال د مقناطیسي ماین چاودنې ښکارشوی چې پخپله ولوالجي له خپلې کورنۍ سره په سفر روان وو.
په پېښه کې د اسدالله ولوالجي مېرمن او لور وژل شوي، خو د کورنۍ ۴ غړي یې ژوبل شوي دي.
ولوالجي فارسي او ازبکي شاعري او سیاسي شننې کولې خو تر اوسه کومې ډلې پر ولوالجي د برید مسوولیت نه دی اخیستی.