تاند، جمعه، د جوزا ۲۳مه: د کابل دریمې حوزې اړوند د شیرشاه سوري جومات کې چاودنې لږ تر لږه د جومات د خطیب په شمول ۵ کسان وژلي دي.
د کورنیو چارو وزارت ویاند طارق ارین تاند ته وویل، پېښه نن ماسپښین د جمعې د لمانځه پر مهال شوې چې په کې د جومات خطیب مولوي عزیز الله مفلح، د هغه دوه زامن او ۲ نور ملکیان وژل شوي او شاوخوا لس لمونځ کوونکي ژوبل دي.
د ښاغلي ارین په خبره ماین ځای پر ځای شوی و.
دا په داسې حال کې ده چې یوه اوونۍ وړاندې هم د کابل په وزیر اکبرخان جومات کې چاودنې مولوي ایاز نیازي وواژه چې مسوولیت یې داعش ډلې پر غاړه واخیست.
د خبر د جزیاتو لپاره له تاند سره اوسئ