تاند (چهارشنبه، د تلې/ میزان لومړۍ) د قطر د بهرنیو چارو سلاکار وزیر محمد بن عبدالعزیز بن صالح الخلیفي په نیویارک کې د اسلامي همکاریو سازمان د «افغانستان په اړه د وزیرانو د تماس ډلې» په غونډه کې د ډیپلوماتیکو هڅو پر پیاوړتیا ټینګار کړی، څو له افغانستان سره همکاري پراخه او د دغه هېواد د خلکو ملاتړ وشي.
د قطر د بهرنیو چارو وزارت په یوه خبرپاڼه کې ویلي، الخلیفي د ملګرو ملتونو د عمومي اسامبلۍ د ۸۱مې ناستې په څنډه کې ویلي چې د اسلامي همکاریو سازمان غړي هېوادونه باید لا ډېرې همغږۍ ته مخه کړي، رښتینې خبرې اترې وهڅوي او د افغانستان ملاتړ ته دوام ورکړي.
هغه زیاته کړې، قطر د اسلامي همکاریو سازمان په چوکاټ کې چمتو دی چې له نورو غړو هېوادونو سره د افغانستان د وضعیت د څارنې، د بېړنیو بشري اړتیاوو د پوره کولو او د طالبانو او نړیوالې ټولنې ترمنځ د رغنده تعامل د هڅولو لپاره همکاري وکړي.
د قطر د بهرنیو چارو سلاکار وزیر د افغانستان په اړه د «دوحې بهیر» پر دوام هم ټینګار کړی او ویلي یې دي چې دغه بهیر باید سره روان وساتل شي او افغانستان باید د نړیوالې ټولنې د اجنډا په سر کې پاتې شي.
الخلیفي ویلي، قطر په ۲۰۱۳ کال کې د دوحې د سولې بهیر له پیلېدو راهیسې د خبرو اترو او ډیپلوماسۍ پر بنسټ د سولهییزو حللارو ملاتړ کړی او د افغانستان د بېلابېلو لورو ترمنځ د خبرو اترو د څو پړاوونو کوربه پاتې شوی دی.
نوموړي د دوحې بهیر د کاري ډلو هغو غونډو ته هم اشاره کړې چې د نشهيي توکو پر وړاندې د مبارزې او خصوصي سکتور په اړه د جون پر ۳۰مه او د جولای پر لومړۍ نېټه ترسره شوې وې. هغه ویلي، قطر د افغانستان په اړه د ځانګړو استازو د څلورمې غونډې جوړېدو ته هم سترګې په لار دی.
الخلیفي د خپلو خبرو په یوه بله برخه کې وویل، دوحه د ډیپلوماتیکو هڅو ترڅنګ په افغانستان کې خپل بشري او پراختیايي حضور هم ساتلی او د قطر د پراختیايي صندوق، د قطر خیریه بنسټ، د «ښوونه له هر څه پورته» بنسټ او د قطر سرې میاشتې له لارې یې په افغانستان کې بېلابېلې پروژې عملي کړې دي.
د قطر د بهرنیو چارو وزارت ویلي، د ښځو، نجونو او ځوانانو زدهکړې او هغوی ته د کار د زمینې برابرول د دغو پروګرامونو له لومړیتوبونو څخه دي او دوحه دا کار د افغانستان پر راتلونکې پانګونه بولي.
الخلیفي په پای کې د افغانستان له خلکو، په ځانګړي ډول په اوسنیو سختو شرایطو کې، د قطر پر دوامدار ملاتړ ټینګار کړی دی.
غونډې ته د پاکستان استازي څه وویل؟
د پاکستان د صدراعظم مرستیال او د بهرنیو چارو وزیر محمد اسحاق ډار په نیویارک کې د افغانستان په اړه د اسلامي همکاریو سازمان د تماس ډلې په غونډه کې ټینګار کړی چې د افغانستان له خاورې د پاکستان پر ضد د ترهګریزو فعالیتونو د مخنیوي لپاره باید عملي او د تایید وړ ګامونه واخیستل شي.
د پاکستان د بهرنیو چارو وزارت د یوې خبرپاڼې له مخې، اسحاق ډار د ملګرو ملتونو د عمومي اسامبلۍ د ۸۱مې ناستې په څنډه کې دې غونډه ته په وینا کې په افغانستان کې د ترهګرو ډلو د حضور په اړه اندېښنه څرګنده کړې ده.
هغه د خیبر پښتونخوا په کواټ کې وروستي ترهګریز برید ته په اشارې دا پېښه «له سیمې د راټوکېدلي ترهګرۍ» د ګواښ یوه نښه وبلله.
پاکستان په کورنیو او نړیوالوچارو کې تل منافقانه عمل کوي .
دوی تل د خپلو ګاونډیانو په اړه تخریبي او له شرارته ډک سیاست چلوي . له هند سره د دوی تل جنګ وي ، له بنګلدیشیانو سره دوی جنګ وکړ او د نژدې سله زره مجهزو عسکرو پرتوګونه یې ورته پرېښودل . له ایران سره دوی په جنګ او دعوو کې وي ، له افغانستان سره د خپل بدمرغه زېږون له ورځې په جنګ اخته ده ، کله لارې بندوي ، کله په اشغال شوي پښتونستان او بلوچستان کې په وژلو او بندیانولو بوخت وي .
له سعودي عربستان سره یې څو وارې د ګډې دفاع تړونونه لاسلیک کړي خو بیا د رښتیا په ځای کې شاته خاورې باسې اوپه دې پلمه چې دلته ټی ټي پي په افغانستان کې دي ، ځان له جګړو او سعودي عربستان د دفاع او ملاتړ نه ځان خلاصوي .
افغانستان په داسې حالت کې نه دی چې د نورو هېوادونوپه چارو کې مداخله وکړي ، نړیوال باید په دې پوه وي ، چې پاکستان منافق دی .
«شپه که تیاره ده مڼې په شمار دی»
دپوهنتون په نوم استاده مرکو ته تل په بیغمه زړه راځې خو زه نه غواړم چې ستا او ددوحې دسناریو ګانو پټو او ښکاره معاملو ریښه دسافت ویر په مټ را برسېره کړم . ښه کار نه دی مګر ډیر ناوړه داسې حقایق شته چې سلسله یې ان له کرزی راپیل کیږی زه کولالی شم دE2E الګوریتم په loop while ستا ټول profile وڅیړم مخکې له دې چې ستا اپلیکشن سیستم ته precod کړم
احتیاط کوه غټ ملی او دملیت خواهی مسایل دموترو دسرتیفیکت جعل کاره سماګ نه دی
یو مسلمان عمدا هیڅکله دروغ نه وایی چې دپوهنتون نوم ته اهانت دی