تاند (یکشنبه، د وږي، سنبلې ۲۹ مه) ځايي سرچینې وايي، د ځاځياریوب ولسوالۍ د سپینې شګې او د کوزې خوا د کورمې ولسوالۍ د تري منګل سیمو ترمنځ د دواړو خواوو پر یو بل د سپکو او درنو وسلو ډزې کړي دي.
د سرچینو په وینا، پاکستاني ځواکونو د یکشنبې په ورځ په کورمه کې عملیات پیل کړي وو چې وروسته له طالبانو سره په نښته واوښتل.
ویل کېږي چې نښته د یوې سرحدي پوستې د جوړولو پر سر رامنځته شوې ده.
د افغانستان او پاکستان ترمنځ په وروستیو کلونو کې په ځلونو د پوستو د جوړولو پر سر نښتې شوي دي.