تاند ( سه شنبه د اسد/زمري ۲۰مه) بلوڅ ملتپال هر کال د اګست ۱۱مه د «ازاد بلوچستان ورځې» په نوم یادوي.
دوی وايي، دا ورځ د ۱۹۴۷ کال د اګسټ له ۱۱مې سره تړاو لري؛ هغه مهال چې د برېتانیا له لوري د بلوچستان د سیاسي راتلونکي په اړه بحثونه او پرېکړې وشوې.
بلوڅ ملتپال د دې ورځې د نمانڅنې له لارې خپل سیاسي هویت او د بلوچستان د خپلواکۍ غوښتنه څرګندوي.
کارپوهان وایي، د «ازاد بلوچستان ورځې» یادونه د بلوڅ ملتپالو له لوري د دوی د سیاسي هویت، تاریخي روایت او د بلوچستان د خپلواکۍ د غوښتنې د څرګندولو لپاره کېږي.
دوی دا ورځ د ۱۹۴۷ کال د اګست له ۱۱مې سره تړي او هڅه کوي چې د همدې تاریخي روایت له لارې د بلوچستان د سیاسي راتلونکي په اړه خپل دریځ روښانه کړي.
د کارپوهانو په باور د دې ورځې نمانځل ښيي چې د بلوچستان د سیاسي وضعیت او خپلواکۍ موضوع لا هم د بلوڅ ملتپالو لپاره مهمه ده.
په عین حال کې، دا ډول تاریخي او سیاسي اختلافات د سیمې پر ثبات او د پاکستان له مرکزي حکومت سره د اړیکو پر څرنګوالي اغېز کولی شي؛ له همدې امله د دې مسئلې د حل لپاره سیاسي خبرې، د خلکو د غوښتنو اورېدل او سولهییزې لارې مهمې بلل کېږي.