تاند (پنجشنبه د اسد/زمري لومړۍ) کابل کې د ایران سفارت ویلي، چې د دغه هېواد د بشري مرستو کاروان د نورستان ولایت مرکز پارون ښار ته رسېدلی دی.
دغه سفارت نن (پنجشنبه، د اسد لومړۍ) پر اېکس پاڼه لیکلي، چې په دې مرستو کې اوړه، غوړي او نور اړین خوراکي توکي شامل دي.
خبرپاڼه کې لیکل شوي چې، دغه مرسته د نورستان د وروستیو سېلابونو زیانمنو ته ځانګړي شوي دي.
تر دې وړاندې هند د نورستان د سېلاب ځپلو د ملاتړ لپاره د بشري مرستو یوه جوپه افغانستان ته لېږلې وه.
د ملګرو ملتونو د بشري مرستو د همغږۍ دفتر (اوچا) پرون اعلان وکړ، چې د افغانستان په ختیځ کې سېلاب ځپلي بېړنیو سرپناهوو، خوراکي توکو او روغتیايي خدمتونو ته سخته اړتیا لري.
د طالبانو د حکومت د پېښو پر وړاندې د مبارزې ادارې د شمېرو له مخې، په نورستان کې د وروستیو سېلابونو له امله ۲۳ کسان مړه شوي، ۸۰ نور ټپیان دي او نږدې ۱۰۰ کسان لا هم ورک بلل کېږي.
بشري مرستې د سېلاب ځپلو د عاجلو اړتیاوو د پوره کولو لپاره مهمې دي، خو د زیانونو د کمولو او د خلکو د ژوند د عادي کېدو لپاره دوامدارې او همغږې مرستې لا هم اړینې دي.