تاند (پنجشنبه، د چنګاښ/ سرطان ۱۱ مه) بې په ورځ د ایران د پخواني مذهبي مشر علي خامنهيي د جنازې په مراسمو کې د ګډون لپاره تهران ته ولاړ.
ټاکل شوې چې د علي خامنهيي د جنازې او خاورو ته د سپارلو مراسم د شنبې په ورځ ترسره شي.
د باندنیو چارو وزارت د دې پلاوي د سفر د اجنډا په اړه نور جزئیات نه دي ورکړي او نه یې دي ویلي چې ایا عبدالغني برادر او امیرخان متقي به د دې سفر په ترڅ کې له ایراني چارواکو سره هم وګوري او که نه.
علي خامنهيي شاوخوا څلور میاشتې مخکې د امریکا او اسرائیل په پراخو بریدونو کې، چې د هغه دفتر یې په نښه کړی و، ووژل شو.
د طالبانو او ایران ترمنځ اړیکې مخ په پراخېدو دي او ایران وايي چې افغانستان یېئ په نړۍ کې پنځم ستر تجارتي شریک دی. د ۲۰۲۱ کال په اګست کې واک ته د طالبانو له بیا رسېدو وروسته، دواړو لورو د لوړپوړو چارواکو د سفرونو او د سوداګرۍ، ترانزیټ، کډوالۍ او سرحدي امنیت په برخو کې خپلې سیاسي او اقتصادي همکارۍ پراخې کړې دي.
که څه هم ایران تر اوسه د طالبانو حکومت په رسمیت نه دی پېژندلی، خو له طالبانو سره یې خپلې ډیپلوماټیکې اړیکې ساتلې او د افغانستان له مهمو سیمهییزو شریکانو څخه ګڼل کېږي.
عبدالغني برادر او امیرخان متقي هم په وروستیو کلونو کې څو ځله د سوداګرۍ، سیمهییز اتصال او اقتصادي همکاریو په اړه د خبرو لپاره ایران ته سفرونه کړي دي.